瀏覽人次 : 25449    回應 : 28
政府會不會加辣壓抑樓市
 
湯文亮博士
紀惠集團行政總裁
2019年5月27日

  樓市在春節後連升15個星期,距離去年8月高位只有0.1%,不少人預測樓價指數一定會在今個星期破頂,有投資銀行話政府有機會再出三招壓樓市,三招包括限制境外人士置業,加重投資人士印花稅,以及收緊按揭貸款,我覺得撰寫這份報告的人根本不了解香港樓市,沒有講出樓價上升的真正原因,除了供應不足之外,就是合資格而只需要繳付正常印花稅買樓的人愈來愈多,如果政府不增加供應,就算限制境外人士置業都沒有顯著作用,唯有不准合資格的人買樓才可以遏止樓價上升,我深信政府不會這樣做,更加不會加辣招稅,否則的話,即是將自己所犯的過失加罪於市民身上,對一個弱勢政府而言,這是一件非常危險的事。

  撰寫這份報告的人除了不了解樓市之外,更加不貼市,樓市雖然連升15個星期,但已經到達強弩之末,五六月應該回調,但是由於地產商大量推出新樓盤,令到市場氣氛熱烈,二手樓樓價亦因此上升,做成樓價指數連續不斷上升,但一般報章沒有報導新樓單位撻訂數目亦急升,由今年初至今已經有超過150個單位,雖然只佔今年暫時接近1萬個單位的總銷量1.5%,比率仍然可以接受,但是大多數是出現在最近的2,000個新樓單位,這代表最近買樓的人比較小心,他們見到特朗普最近突然加徵關稅以及制裁華為,深恐香港樓市受到波及而選擇撻訂離場,如果中美貿易戰不能夠在短期內解決,香港樓市今年走勢將會是下跌而非上升,很奇怪這份報告沒有提及這個近期最不利樓市因素,由此可見,這份報告已經寫了一段時間,在發出之前又沒有加入最新影響樓市的因素,令到睇報告的人以為樓市今年還會繼續上升,老實說,就算中美貿易戰立刻解決,樓市跌勢已成,全年仍然有升幅已經是一個不錯的結局,雖然,在長遠而言,在政府沒有提供足夠供應量的情況下,樓價在短暫下跌之後仍然會反覆上升,就算政府加幾多次辣仍然不會改變這個結果,增加供應才是解決樓市上升的唯一辦法,加辣代表政府無能,或者,就是這份報告要暗示的實況。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 博士粉 2019-05-27 09:20:31
同意。不增加供應,十個侵侵加埋也冇用,只能減慢樓價上升的速度,或是短暫令樓價跌小小,但不能改變樓價上升的動力和方向。

香港變成大陸另一城市又點?大陸城市樓價就不會上升?
2. 短暫下跌之後仍然會反覆上升 2019-05-27 10:20:10
地霸唔賣樓, 換樓的人會自動將價格推返上去, 地霸點解唔賣樓? 如果在去年底跟住跣和掟, 而家 Lucy 指數可能得番百六。
3. 鳥5 2019-05-27 10:50:30
批埋明日大嶼先攪,比較好。。。攪下加按揭供 款, 反應好加大啲空置稅由得呀。 又諗下空置地 短期拎出嚟玩下過渡性房屋三五七年又得啫。。。 部分公屋又可以加多層天台。。 到時有條件 再玩下租管。。。 攪建設得唔係試下搞破壞
4. 鳥5 2019-05-27 10:52:17
吹下呢樣,嗰樣...地產商個籮友會突出嚟話你聽,邊度有料到㗎喇....
5. 鳥5 2019-05-27 10:54:45
地代或一佣金,準監準減... 唔使畀客劈時,又唔使畀發展商Long 價 做市,都幾好主意。。。
6. 鳥5 2019-05-27 11:52:47
2F, 新樓其實已經瓜咗 如果你計入建築成本成四五千蚊一呎。。 但係呢十幾年前同9797係有大量清水樓 而家新樓全部加入豪華裝修會所泳池 如果唔係搵鬼人買二手咩
7. 鳥5 2019-05-27 11:57:22
如果你有印象, c生 話ccl升30 ,即係通知地產商出貨係時候。。。其實而家市場氣氛咁,踢都出唔到,唔係唔想出發展商嚟緊都幾大鑊。。。 出唔到又會同啲pr出order聲清惜囉。。。 個雞棚係咁答㗎啦。。。
8. 顏色筆 2019-05-27 12:14:10
政府要穩定樓市,只要推出產增值稅,稅率要是90%,樓價必落,再增加供應,等供應到位後再取消。
9. To 6 2019-05-27 12:18:01
鳥哥, 新樓唔會瓜的, 地地一早算盡建築商, 建築商整鑊甘等買家收樓, 整個泳池俾你但水質唔達標唔開, 你可唔可以唔交管理費?
10. 湯瑪斯 2019-05-27 12:21:13

其實利好同利淡香港樓價既因素一直都存在。中美貿易戰一定係利淡因素,話中美貿易戰對香港樓價冇影響或影響甚微係低估其影響力。不過又好難怪香港既磚家低估中美貿易戰既影響。因為過去大半年中、香港、美科技股升多跌少,好似中美貿易戰與呢啲公司無關咁。最近呢幾個禮拜先至識得恐懼,高位入市就置身於險境也!

11. Peter P. 2019-05-27 13:02:30
會,因為庫房愛錢
12. 鳥5 2019-05-27 18:39:23
9F,醒喎,你都知D鬼馬野。。仲有車位。吹雞抄牌高收車位租,商埸玩專管收貴租,是越大地皮,圉得越金。。。不過要入伙先財。。供完楼,中产銀包随時得兩佰,吸血
13. 引刀一快 2019-05-27 20:04:54
中國問題已經十零年,物先腐而後蟲生,依家先至觸發呢煲大嘢,已經係超級延時,希望可以好好地傾掂,咁中國沉幾年都仲有機會再起。
14. 真真薯片 2019-05-27 20:40:16
林鄭已經冇心機理樓市啦

依家最開心果個一定係689
15. 十一哥 2019-05-27 21:19:24
刀刀  如果老表冇有得、美帝點洗慌失失、難怪嘅…識睇點會~腐~到要去老表度打更呢!

16. 引刀一快 2019-05-27 23:06:43
琳琳,你吹就可以令中國雄起,好嘢。


17. 引刀一快 2019-05-27 23:10:16
真真薯片兄

可能依家係樓市最需要政府留意嘅時候。
求神拜佛望G20唔好一下傾死,大陸好多人瞓街。
19. 鳥5 2019-05-27 23:32:51
刀兄, 我睇到就大家揸流灘, 大陸係唔會讓步。。 只有美國佬跪低。 我都幾懷疑 大家鬥算。。 應該係美國嗰邊計錯數。。
20. 鳥5 2019-05-28 00:49:44
刀兄,G2O前2日 你可以睇下 人民幣外匯價 ,有啟示.. 放心啦阿爺一早閘定曬啲水㗎啦。。 逗住囉冇問題... 出事嘅最多係三年, 國內 富豪 呢兩年係咁畀人劏曬 ,你都唔覺得有咩問題啦。。 今次反枱, 測試魚案 都用咗一年啦 中美反面,論證都用咗十幾年啦。。。 美朝扎馬, 中菲南海 中印對詞 反貪污 內戰, 習主席邊次唔係不戰而屈人之兵呀。。。 美國佬有料到, 就唔使打今次嘅七傷拳啦 。舒極三至五年啫.. 放心 財富轉移 啲錢 大部分都響國內 係印多咗就真係事實... 兩個大國 咁大型嘅債務 仲係要搵人埋單啫
21. 鳥5 2019-05-28 01:04:34
关於, 國內瞓街, 放心喎 冇嘢 做,幾個月就會返鄉下㗎喇。 。。又唔係冇得食 放心放心。 今次應該勁唔過 朱鎔基個次。。。
22. 鳥5 2019-05-28 01:06:44
大陸集水 已經兩年開始㗎啦 澳洲加拿大 good曬水返大陸㗎喇 放心放心.... 豆住落冇問題, 登月計劃都未見佢停 有幾大鑊呀
23. 鳥5 2019-05-28 01:34:01
刀兄,你去谂下,國内D野平左 又靚咗,來路野貴左。。 諗一諗 分別真係好大? 不過如果香港啲樓跌四成 咁就真係大鑊。。。 轉頭借錢文化呀大佬, 香港窮到得返錢同埋樓
24. 鳥5 2019-05-28 01:37:04
你唔諗下美國人,超過七成 民生 產品made in China
25. 十一哥 2019-05-28 08:18:36
刀刀  梗係睇唔到乜嘢雄起啦!衹能背後迎雄、點起都冇你份。

26. 引刀一快 2019-05-28 12:42:51
原來全部都係駁我嘴,冷靜D,爆血管唔好賴我。
27. 應該係美國嗰邊計錯數 2019-05-28 15:57:08
鳥哥, 咁如果美帝唔再買中國底褲, 咁中國人就算失業, 得益於社會主義低成本高動員能力, 政苦分豬肉, 一樣有得食有得玩, 美帝買瑞士底褲或者唔着底褲, 是否自我感覺高人一等? 或者所以去日本取經, 用條布扎住就算。
28. 應該勁唔過 朱鎔基個次。。。 2019-05-28 16:01:05
好彩冇豬肉機, 由佢打骰阿爺跪低好耐, 你睇阿董同林鄭已經係兩個玩法。
29. 引刀一快 2019-05-28 17:42:19
鳥5兄

瞓得幾個月街,少部分人會死,大部分精神會出問題,返家鄉都需要人照顧,好慘,大陸社福資源唔似香港咁好,總之有錢係天堂,冇錢極彷徨。

提起登月就令人擔心,撩起外星人把火唔係講玩,美國佬最多制裁你啫,外星人玩邊科都未知,snap一下中國D女人唔見嗮點算?

港樓只要冇咗升值預期,自然唔會咁多人搏老命去買,引渡條例一過,搬錢落香港買屋嘅意義亦降低了。