地產博客 > 文亮言 返回
瀏覽人次:21277    回應:12
文亮言

失眠其實是曬命

 

湯文亮博士

紀惠集團行政總裁
2020年10月24日

  星期六一早,有老友嚟公司吹水,佢話瞓唔著,所以咁早嚟搵我,仲話失眠同失戀任佢揀,佢揀失戀,我問失眠同失業,揀那一樣,老友話冇得揀,一定是失眠,所以,失眠並不是很慘。

  我講或者大家都唔會相信,失眠其實是曬命,瞓唔著最大機會是遇上一些開心興奮的事,例如在年輕時約到一個女仔出街,隨時開心到瞓唔著,如果被人推卻,甚至放飛機,結果是大覺瞓,又點會瞓唔著。

  股市上升,不少人興奮到瞓唔著,股市下跌,就算那些輸大大鑊的人都唔會瞓唔著,工作過勞,時間又長,有機會就大覺瞓,點會瞓唔著,有大把錢,不用為工作辛勞,諗下點樣洗錢,當然瞓唔著。

  美國總統選舉,贏的一個會瞓唔著,輸的一個會話明日愁來明日憂,大覺瞓好了,所以,我話失眠其實是曬命,老友擘大口得個窿。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2020-10-24 12:50:20
侵侵響咗口…輸就唔留喺美國、唔明就以為佢發晦氣、自己知自己事…唔着草就好大可能花廳有個位、美癈國運低有樣睇、兩個畸英話名~總捅debate~實質係鬥捅臭屎…8婆嗌交、現場一定要大膽亂噏…事實唔重要…有人聽咗信先最緊要、神棍都係靠嚇以宣道…冇事冇幹唔信佢就地獄有個位…一字寄之~信~就得永生、活生生現在進行式…兇手出入神棍徬到實代言塗脂抹粉、苦主父母倒轉冇人關心…
2. 擘大口得個窿 2020-10-24 12:54:28
博士所言有道理。除了以上,中咗六合彩頭獎一樣會失眠。
3. 自醉 2020-10-24 13:12:23
衰十一瞓醒未呀?人哋已經討論緊拜登洗唔洗喺監倉過埋幾尾幾年啦喎!仲講選舉? 哈哈哈!
4. 十一哥 2020-10-24 23:05:27
醉婆   POTUS邊個得…關11哥鳥事咩!成日冤冤氣氣咁衰鬼豆…好肉麻㗎...
5. 自醉 2020-10-25 00:11:07
所以一向話你淨係識馬後炮呢! 邊個當選同之後港股人仔樓價走勢息息相關。
6. 引刀一快 2020-10-25 00:13:02
自我陶醉兄

唔好打搞十一仔,佢中意鬧神鬧鬼隨得佢喇。
要糾正一啲偏頗歪曲嘢,好嘥精神。
7. 自醉 2020-10-25 09:59:01
引刀兄,

咪係囉! 嘥氣嘥精神,全國56個民族,每個民族都有精英,人哋只係話花木蘭唔係漢族,又冇人話唔係中國人,咁又上晒腦,咩分裂民族感情 , 莫非所有民族精英都必須說成是漢族咁先叫做民族共融????真係難頂!

若果有人話吳三桂、秦檜唔係漢族,唔知仲會唔會有人話佢分裂民族感情呢?哈哈哈!

8. 十一哥 2020-10-25 10:53:32
刀刀  又瞓唔着呀?曬命啦 ! 啱嘞…真係要調下教下醉婆、成日唔怕肉酸、都係跟得刀刀多…真係巧…
9. 引刀一快 2020-10-25 11:32:52
十一仔,係咪食得板藍根多呀?冇嗮火嘅?寫啲咁嘢。
10. 十一哥 2020-10-25 12:01:55
刀刀  follow啄尾好用力…唔係枕厚feel唔到嘛 ?
11. 自醉 2020-10-25 14:24:10
衰十一

我調教咗你幾年,都唔覺得你有咩進步嘅?!
12. 引刀一快 2020-10-25 16:42:42
自我陶醉兄

你太錫住十一仔喇,調教到佢依家越來越弱雞。