地產博客 > 文亮言 返回
瀏覽人次:21088    回應:5
文亮言

不得不選拜登

 

湯文亮博士

紀惠集團行政總裁
2020年10月27日

  今早有鬼佬客人到公司簽新住宅租約,我話雪中送碳,一定要同佢打個招呼,鬼佬問如果我是美國人,會選侵抑或拜登,我話侵侵,他的確為美國做事,但不顧後果,不但得罪中國,而且得罪全世界,四眼+日本雖然例外,但被美國累到與中國交惡,亦不會有什麼好結果,澳洲佬現在頭都大,我反問鬼佬會選侵抑或拜登。

  鬼佬話,除非是極端白人主義,否則在別無他法下就一定要選拜登,如果俾侵侵多做4年,美國唔知會亂成點,甚至會不會與中國開戰,如果選一個發動戰爭總統,選他的人應該要負些少責任,情況好似香港國泰,選攬炒工會,現在國泰攬炒,試問又能怪誰人,選拜登可能仲衰,但未試過又唔知,出了事都冇辦法,所以,唯有選拜登,很多美國人都認為侵侵在選舉前三四個月,唔好攪咁多小動作,去打下哥爾夫,稍稍關心疫情,就可以坐定粒六,拜登點會係佢對手,我問鬼佬識坐定粒六,原來鬼佬在澳門打滾過,是博彩界高手,我又問,現在是否拜登坐定粒六,鬼佬話咁又未必,講人數拜登一定贏,講選擇人票又未必,條友咁樣講,我承認他真的在澳門做過,都未揭盅,邊可以講肯定贏輸。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2020-10-28 05:07:38
中美開戰,最開心肯定係俄羅斯,到時兩邊殘嗮,佢就發威,攞完東三省,攞內蒙。然後,佢搞一帶一路。
2. 十一哥 2020-10-28 09:10:36
刀刀 你對美癈咁忠心耿耿…扒地攪到起哂枕、誤導咗美廢以為中國人契弟多、咁錫美廢不如勸下佢唔好身痕啦!中國人惹不得㗎 !
3. 十月驚奇得個講? 2020-10-28 10:09:05
有D人叫囂中美開戰,從六月叫到今日。

有冇想過國美國民意是否支持打仗。如果支持,侵咁重視民意支持,必然順民意馬上對中開戰。但而家仲有四日就投票,十月驚奇得個講?

美佬搵黃X黒X,台獨,港獨做砲灰,班傻仔就盲衝。

衝完成身傷,想搵翻美佬做砲灰? NO WAY.  卜睿哲講到明,大陸如攻台,台灣自己要守住幾個禮拜,甚至幾個月。所以猛咁賣武器畀台灣,自己保護自己。

本来以爲守住幾日,等美軍來救。宜家話幾個禮拜?幾個月?即是話,美軍係根本唔打算來救台灣。

美國自己都唔敢衝,個D所謂亞太盟友,曬氣。
4. 侵咁重視民意支持 2020-10-28 10:14:54
有保留。
5. 引刀一快 2020-10-28 11:34:56
十一仔,你契哥俄佬等美國郁手,等到花謝,你過去慰藉吓班俄佬先喇。