茶餐廳亂話（961）獨立屋不用建化糞池

湯文亮博士

紀惠集團行政總裁

2021年4月19日

　　今早去到茶餐廳，有一個客人約了工程公司裝修他新買的獨立屋，工程公司報了價，客人大致上滿意，但有一項，他堅決反對，就是建一個化糞池，仲話他的獨立屋近海邊，將污水稀釋之後排放入大海，未必合情，但合理合法，同日本仔將福島核廢水稀釋後排放入大海有什麼分別，而且美國又同意，全世界都冇符，就算佢唔做都會有其他屋主做，何必浪費金錢，裝修佬當然唔識得答，只是不斷講咁樣唔得，咁樣唔得。

　　老闆同客人講，他新買的獨立屋在最優質的地段，呎價冇10萬都要8萬，如果污水只是稀釋後排放，環境很快會變差，呎價自然降低，慳了整化糞池的錢恐怕不能抵消，日本現在雖然話將核廢水排入大海，估計只是裝胸作勢，或者叫亞洲地區，主要是中國夾錢畀佢做核廢水處理，如果客人叫鄰居夾錢畀佢整化糞池，鄰居一定唔滿意，但無謂將環境搞到太差，影響自己屋價，最後都會夾錢，客人話佢又唔係冇錢，唔需要鄰居夾錢，不過，只是參照日本仔的做法而已。

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或網名			密碼
最底	忘記密碼註冊成為會員