二戰如二置，應量力而不為

　　現今足球戰術，都唔知道是不是同一個師父調教出來，在分組賽的時候，首戰全力以赴，所以，在輪賽事，只得一場和波。如果在英超，起碼有三場和波，如果落敗，再戰亦要全力以赴，想求和也不能，如果再敗，好似西班牙，就可以開party ，或者開「喪」。
 
　　如果首戰贏波，教練又如何部署？我同巴西教練史高拉利交換意見，我俾他的意見是應量力而不為，贏唔到唔緊要，最緊要唔好輸，因為輸波，首勝的優勢就沒有了，阿史唔同意，話晒巴西都堂堂足球大國，不打進攻式足球，是相當冇面。最後都是部署進攻，這點我亦可以理解，對墨西哥最後踢成0比0，尼馬幾次起腳，都被上了身的墨西哥龍門救出，但墨西哥亦有幾次有威脅的射門，如果能夠把握一次，以1比0擊敗巴西，阿史就會很頭痕，如今0比0，巴西與墨西哥在最後一仗若果道和對手就可以攜手晉級，主動權仍然在手中，阿史在完場後打電話給我，說應該採用我的戰術，下一屆世界盃一定會檢討，四年後，阿史有得做教練至算，屆時，又會有不少戰術，條數可能又唔係咁計。
 
　　有人買入第一個物業之後，樓價飆升，好似世界盃首戰大勝一樣，已經急不及待部署買第二個物業，做法可能將第一個物業加按，或者借一些短期貸款，務求可以在短時間內買第二個物業，不過，當他們買入第二個物業之後，市場上可能出現變化，例如政府加辣、利息上升、自由行銳減，諸如此類，樓價出現逆轉，銀行又立刻變面，向那些借貸比率高的客戶追收差額。在這個情況下，樓價下跌亦是正常，而那些急於買入第二個物業的人，可能要同時出售兩個物業，就算不用，最少都要賣走一個，一賣一買，一出一入，損失亦可想而知。所以，買第二個物業就好似在世界盃分組賽打第二場，要計算清楚，稍有猶疑，應量力而不為，打波就情願和波，出線的機會仍然很大，買樓的情願不買，保有實力，以免影響已有的勝果。