你地身處嘅年代,香港處於經濟起飛,人人有工開?
……果陣揾份有錢銀過手既工要舖保呀!
物價低?
……比較埋人工先啦!
冇戰亂!
……乜現在香港呢家打緊仗咩?
冇政「治」紛爭
……現在是那些人拖政府後腿?搅到乜差嘢都寸步難行先!
但依「家」香港亂過乜咁
……邊D粉人整成咁呀?
由樓價到最基本嘅飲食都有問題
……政府土地儲備係2仔底,但邊個不斷阻止政府揾地起楼?
更加唔好講民主普選
……香港只係特別行政區,香港人不能單獨決定自己的未來!
唔知你地有冇發覺香港已經冇乜人情味? 未雪件事已經係一個警號,證明左錢喺香港人眼中真係重要過任何野
你唔覺得恐怖?你話係個別例子?我只能話枉你班老野做左幾廿年人,視野竟然唔夠後生仔廣闊
……未雪既死,值得同情,但香港現在已到了一個動輒得咎、少人唔使本、歪理當真理的反智時代!其實想捉未雪又有幾難?俾着我係MTR話得事果個,咁遇到類似事件發生,我会將列車停駛,然後 Call 魚農署來捉狗!
你話條狗命關我鬼事
……我估大部分港人包括我都是專重生命的!
好,就同你講你地最關心嘅錢 !正常黎講每個香港人都要交税,但你知唔知你交啲錢去左邊
……香港的税網係全世界最窄既地方之一,交税重任只是一小撮人分擔!
起條高鐵用左我地七百幾億,起唔係問題,但回唔回到本+啲錢用左喺邊先係問題
……咁边班粉腸搅到5鐵一橋要同期開工,搶高建築成本呀!
安全問題依家開始浮現,我地嗰七百億真係有好好善用? 條鐵路你同我都有可能會搭,你我唔關心,邊個去關心
……搅亂檔叫「關心」,你真好野!
綜援問題
你地“辛辛苦苦”賺翻黎嘅錢,依家外人可以任用,你有咩感覺?
未滿七年都可以攞錢,咩道理?歧視?包容?我地包容佢咁邊個包容我地?
唔知幾時開始,包容呢隻字已經被濫用,仲難聽過粗口。
連咁樣都覺得可以接受嘅,我真係服左你
……現在边個搅到香港变成不設防咁任攞先?一句講晒咪又係你果班民主政棍囉!
講到近來嘅普選、政改問題你地唔爭取,仲要倒頭話我地激進、阻礙經濟發展。
我想反問一句,短期嘅經濟定係香港嘅前景重要
……如果香港係一個獨立的政治實體,而绝大部分人又讚成香港可擁有更高層次的民主同自由,咁既然大家都同意有「真普選」,那麼我唔反對政改喎,但現實係香港的未來,中國有權話事;而且香港人對普選有嚴重分歧乃不爭的事實!你激進派為何可以騎劫整個香港,同大陸攪對抗?陷別人於困局中?
前者可能會令你賺多少少買iphone,後者就關乎到我地下一代嘅未來
……我D细路同後輩,大把人「少夠」你班友呀!
換句話講,我地依家幫緊你個孫呀!懵向左走向右走!
係咪被人養得太耐結果連僅餘嘅思考能力都冇埋
……真的多謝你們喎,但你哋搅事,請上大陸搅,唔好喺中環!
依家呢一句小朋友,一出世已經係輸家出世,奶粉都冇得你飲
……你要飲乜差奶粉咁巴閉呀,周圍都冇?有你係唔係同我食晒佢!
幼稚園學位都冇
……又是嗰句,你要讀九龍塘指定果幾間,無……唔奇,但香港人的小朋友竟然冇幼稚園讀,我打死都唔信!
小學,日日唱國歌普通話上堂,連自己本土文化係點都唔知
……我呀女間小學,無叫人唱过国歌喎,何況仲要日日!現在全球唔少人都去学普通話,而且中華民族文化源遠流長,好失礼你咩!
中學日日上國民教育個腦都變埋紅色
……边間中學日日上國教先? 係培僑 Or 勞工子弟?
大學,讀都未必有得你讀,唔好再用“能者居之”呢四隻字
……唔係有能者居之,又用乜標準收生?唔通有lD就有得讀?
出黎做野又唔夠人爭,物價高漲樓又貴。最後死左都未必有位葬你
…… 你自己競爭力不足, 就要阻止人地來同你公平競爭,又是什麼道理?你一方面就說普及而平等, 另一方面又鬼拍後尾枕, 要畫地為牢,咁你講晒佢啦!
可悲嗎?的確好可悲。因為就係你班和理非非討厭政治嘅香港人所導致。十年後唔好問點解個孫會餓死、冇野做、冇U讀,問翻十年前嘅自己就知道
……你就算有U讀又如何,成日反乜反物,用晒D時間去搅社會運動,D老闆点敢請你哋呀!
我只係一個你地口中”毛都未出齊“嘅90後,但我比你地更加關心自己嘅社會
……我關心社會的程度及深度,绝對不比你弱,贈你幾句,「你好好執生,顧掂自己先,才關心社會啦」!