星期日早上，有物业代理一早搵我，话有一件荀货，我话唔妥，那个物业其中一个业主是很有钱，有钱的人一定唔会平卖物业，又点会有荀货，除非有其他合股人唔供楼，他又唔想替人供楼，又唔想接货，唯有平市价卖出街，物业代理话正是如此，佢仲话，如果冇人买，就由那位有钱的股东买，叫我唔好嘥机会。
物业代理一定知道这个买卖的来龙去脉，那位有钱仁兄不是占大股，更加不是牵头人，即使其他拍档唔供楼，最多卖出街，不但损失有限，而且不会损害声名，如果买入其他拍档股份，倘若楼价下跌，就会畀旧拍挡取笑衰贪心，其他拍档会话睇唔好楼市才卖楼，想唔到有人接货，仲话好彩决断英明，万一楼价上升，亦会畀旧拍挡话趁他们病攞他们命，以低价食了那个物业，唯一选择就是卖出街，那个有钱股东是不会买入其他股份，物业代理话冇嘢讲，不过，这的确是一个荀盘，这点我又同意。
上一则：
下一则：
Javascript must be enabled to use this form.
敬请留言者自律。本网站保留删除/堵截任何留言的权利。
App下载
