TO 16 山高雲低兄

懶人何止唔介意做擦鞋仔，簡直非常羨慕呢啲高級專業人仕，我個擦鞋偶像係韋小寶，如果有幸得逢一位現代康熙明主、懶人好有信心有能力、有心有力做得岀神入化，仲一定唔會因為要爬十幾座高山，而咁易暈低。

今日興洒鹽花，唔好意思。

TO 22 CH兄

試卷評分：（懶人兄，我估你後生嗰時應該都惹唔少桃花，有才智，又詼諧，人又隨和。 ）

CH同學，你今次考試成绩好過大寶二寶同學，達75分， Grade A 順利升級，恭喜恭喜。評分如下：

1.惹唔少桃花--0分。懶人與前度亡妻相渡28載、無孩但非常恩愛，親友共知，期間確有2、3桃花機會，但懶人不屑一顧；17年前追求现任太太期間，多次親友介绍女友，懶人全部謝絕，现任太太得知後，感於懶人專一及善待忘妻，牙科醫生終願委身下嫁。

2.有才智--25分。懶人以低學歷入讀理工在職視光師課程， 同屆同學學歷大多數中五--中七程度，懶人年年考第一，囊括所有三項獎學金，師友稱颂。现己退休多年。

3及4--共得50分。懶人自認算得上詼諧、隨和、口硬心軟性格，兄台全中。

評語：聰明有禮、前途不可限量。

TO 23兄、24 自我陶醉兄

唔使驚，我老婆知道哂懶人係有講無做，吹完水實抹咀，有膊頭有腰骨有擔戴，定啲嚟。

回 26兄台

唔同，懶人講嘅全部係堅野，有保用，包免費维修。

本人一直有睇博士文章。雖然政府無腦不斷出招，但對樓市長遠我係睇好。

好簡單兩個道理。第一，而家持有物業者按揭成數唔高，要好似以前咁整體大跌已經無乜可能。

第二，睇下而家出面成日吹淡同睇大跌係乜野人，再睇下睇好係乜野人。睇好既人好多已經上晒岸，實現財務自由。睇淡既人好多都日日仲要為生活奔波，有D仲可能為每個月租金煩惱緊。就咁睇已知邊一邊係人生贏家，你無理由唔去信贏家而去信輸家呀。

講正題，今次留言其實好想請教下各位師兄師姐，本人有一自住物業，已供完，今年35歲。

之前同老婆商量過，希望多買一個物業收租。之前問過銀行，如用現時已供完的自用單位翻按可借現金約$270萬。本人做銷售行業入息不定，近呢3年平均月入$3萬，老婆月入約$2萬。

如上述情況，我可唔可以實現到多買一個物業收租？如可以的話，應考慮樓價多少左右物業？

TO 30 CH兄

不用介意，直至现在，亡妻仍每日活在懶人腦中，太太好多年前怪懶人想念亡妻多過愛佢，我對佢話，無論如何2、3年感情難與28年感情相比，許多年後，如果我哋仍然一起，你嘅地位一定愈來愈重要，现在我哋已經18年，仔17歲，一家相當融洽，無投訴。

回 36 大寶二寶兄

大寶二寶同學，知恥近乎勇，勤力總有好成績，咁有心機作詩，中文科最高85分，你首詩幾好，俾你80分但錯字扣5分，最後得分75分，屬Grade A，與CH同學同分，两個都係考第一名，恭喜恭喜。

差啲唔記得講，全班學生人數---2人。

博士話：（就算物業投資者符合所有壓力測試，可以加按物業，但根據現行規定，那些從加按所得到的款項是不能夠購買物業。）

懶人上次同痕身靓女投資顧問談心時，有問過呢個問題，但係靚女話唔係喎，都唔知靚女有無玩我？