|
261.
自我陶醉 |
| 2016-03-31 20:22 |
|
打工兄，
你誤會了，小弟唔係叫你改變自己對樓市嘅睇法，我意思只係話要摒棄主觀意願，以更客觀方法判斷影響樓市嘅因素，唔好盲目相信某類資產而已。
|
|
|
262.
LYC |
| 2016-03-31 20:25 |
|
|
|
|
看好和看淡不重要，贏錢都不重要，第一重要是不可輸錢。
不要像項羽，贏十次，不堪輸一仗。
不可沽名學霸王。（毛澤東）。
|
|
|
264.
歷史長河 |
|
| 2016-03-31 21:16 |
|
西門兄，
好遺憾，我給過你一次機會來聽我進一步解釋，可是你拒絕了。
不過我還是要講，長河一路走來，始終如一，吾口講吾心。你若有心，可以翻看舊文便知我講咩。投資樓市，沒有秘笈- 腳踏實地，合理運用桿槓，禁得住誘惑，讓時間做你的朋友，最終定會成功！Good luck!
|
|
|
265.
歷史長河 |
|
| 2016-03-31 21:41 |
|
回254樓 陶醉兄，
你話：「對大部分人嚟講，買樓係講緊用未來幾十年賺嘅錢一次過做投資，輸起上嚟連身家，甚至條命都可以輸埋，唔係聽得少，點會係冇得輸？」
這是典型的炒家思維，只不過喺向下炒。
買樓，唔使棄簡從繁，可以好簡單 - 你付三成首期，同銀行借七成，每月付一定的利息，自住，句號。咁等同於你交租俾自己，利息等於租金而已；亦即你以今日之價，鎖定未來租金，一直到終老。仲有，你還可以留一間屋俾子女（我可以確定你吾喺太監）。
輸咩身家？輸咩性命？吾買都要租。你若唔信，你可以試吓同業主協商，不管樓市未來升跌，鎖定今日租金，為期30年。你估業主會接受嗎？你可以試下。
|
|
|
266.
LYC |
| 2016-03-31 22:04 |
|
你每個月交的租咪月月輸緊囉！ 仲係到提醒人唔好輸，都幾搞笑！
【on.cc東網專訊】二手樓交投回升，帶動新界上車細價屋苑樓價率先「反底」，近日成交價已較低位回升。粉嶺花都廣場兩房戶放盤兩日，即售約364萬元，較低位回升逾12%。另天水圍嘉湖山莊兩房戶在「無樓睇」下，仍售321萬元，較同類低位亦回升約7%。
|
|
|
|
黑天鵝的原本意思
我再說一次，黑天鵝的原本意思，是“意料之外，意想不到”。
歐洲人一直知道及相信天鵝是白色的，當黑天鵝在澳洲被發現後，他們才驚覺，‘冇可能的事，是可能發生的’。
|
|
|
268.
打工仔 Andy |
|
| 2016-03-31 22:15 |
|
自醉兄
小弟受教了! 不過呢點有 d 難度喎! 我會試試! 咁你要講多 d 其他投資致富知識來聽聽好嗎?
|
|
|
269.
自我陶醉 |
| 2016-03-31 23:01 |
|
長河兄，
淨係炒家先有問題？ 你有冇留意最近有幾多地舖做唔住要結業？ 到底你feel唔feel到依家經濟有幾差？ 有時間睇下王生呢篇文喇！
對於從來唔洗憂柴憂米嘅人，買樓畀三成有錢繼續供當然冇問題! 你知唔知有啲人三成首期係十幾年積蓄，樓價跌四、五成已經負資產，經濟轉差，冇咗份工，搵咩嚟供樓？ 呢啲人已經唔係最慘，有啲人連買樓嗰三成首期都係問人借，冇咗份工，可以點？ 你有冇想像過呢啲人有幾絕望、每日有幾大心理壓力？ 唔洗供樓仲可以考慮住細啲，住遠啲，同阿媽住，瞓街都仲得，被人收樓冇咗三成，親戚啲錢洗唔洗還？ 樓價嘅差價銀行會唔會放過你？
唔炒樓就冇事？ 你估個個好似你咁有心有力咩!
|
|
|
270.
自我陶醉 |
| 2016-03-31 23:07 |
|
打工兄，
咪玩我喇! 明知我窮到燶住緊劏房仲要潤我! 呢啲嘢梗係問呢度個超人喇! 哈哈哈！
|
|
|
271.
歷史長河 |
|
| 2016-03-31 23:24 |
|
陶醉兄，唔好意思，好少睇王生嗰文章。
小弟向來不鼓勱冇能力買樓之人去買樓。我哋一直一來討論的喺有能力買而唔買，等跌。
當然，有能力也可能出現如你所述的風險，不過還是那句話，唔買都要租。如果唔買可以選擇瞓街，買咗也可以同阿媽住、住遠點、瞓街而將房子租出來供樓。
你只喺以炒家心態來睇整件事，其實事情好簡單。
|
|
|
272.
自我陶醉 |
| 2016-03-31 23:28 |
|
長河兄：
租出來供樓？
出租嘅樓只可借5成，另外嗰兩成去邊度搵？ 仲未計如果樓價跌估值估唔足嗰筆, 絕對唔會係你想得咁易。
|
|
|
273.
歷史長河 |
|
| 2016-03-31 23:33 |
|
「出租嘅樓只可借5成」，尼句可圈可點。
這唔喺政府法令，喺銀行同你之間的協定。我只能講這麼多啦。
|
|
|
|
陶醉兄，說得中肯。好多人覺得連清潔保安都搵到萬幾蚊收入，一對年輕夫婦相加的收入買到350萬或以下的物業是無乜難度。不過，經濟轉差，冇咗份工仲供緊樓，每日想到欠銀行二百幾三百個，唔灰爆就假。 生不帶來，死不帶去。都係冇債一身輕最好，尤其是經濟差時。
|
|
|
275.
打工仔 Andy |
|
| 2016-03-31 23:42 |
|
自醉兄
你點會住劏房! 我知你投資有一手, 下次有大食茶飯記得關照下小弟呀! 我欠落網友一餐飯, 要揾返 d 飯錢埋單呀! 哈哈哈!
|
|
|
|
「出租嘅樓只可借5成」，由呢句就知，好似真係冇買過樓 - 係冇問題，只是冇辦法交流買樓經驗啫。
個日有網友講過，買樓好似結婚，要勇氣既。
|
|
|
277.
珍惜香港 |
|
| 2016-04-01 02:28 |
|
【珍惜香港】TO：227/F 引刀一快引刀兄，多年網友，有話就請直說，唔使轉彎抹角。 TO：217/F、218/F 自我陶醉我 215/F 成篇嘢嘅主旨，已經總結哂响 最後一段度，並冇其他，唔好諗多。 至於， 太監比喻，唔喺我想討論嘅重點，只喺順便簡述一下， 純屬個人意見，你可以唔同意。反正呢味嘢，見仁見智，而我亦唔想爭拗。不過，你 217/F 第一段嘅內容，會間接引導我再提 引刀兄無禮一事，因為「該等與性有關嘅言詞或圖像或行為，對其做成滋擾」， 套用於果單嘢就全中，反而太監比喻仲冇咁 MATCH。自醉兄，唔好令我難做，我唔想再撩起引刀兄，只喺想話你知，呢兩單嘢，你用咗唔同嘅態度，唔同嘅天枰。 都喺果句， 唔好多重標準！ 其實， 比喻，都只喺間中使用，而且要視乎乜嘢議題，至會用到乜嘢比喻。但喺，傻瓜、白痴、無知、歪理、廢話，呢啲詞語， 喺無助討論，只會令到對方唔開心；如果經常掛在口邊， 就會變成恆常習慣。今日，同你持相同意見嘅人，唔覺，喺因為你唔喺針對緊佢地。不過， 唔會有人，永遠都企响你果邊。他日，佢地當中，有人出現異見，就會即時感受到你嘅攻擊。呢度有啲開始轉軚嘅網友，可能已經中咗招。久而久之，肯同你討論嘅人，只會越嚟越少。當然，呢啲都喺我個人意見， 好心吹下水，你可以唔 BUY 嘅，NO PROBLEM。
|
|
|
278.
珍惜香港 |
|
| 2016-04-01 02:36 |
|
【珍惜香港】TO：229/F 蕭峰、235/F 西門吹雪 兩位都喺， 真性情之人，我好欣賞。將你地擺埋一齊覆，喺因為我覺得，你地有共通之處。 果次，我同蕭大俠講，孤獨嘅話，可以搵長河兄傾傾，但我諗， 都喺搵西門兄傾啱啲。因為將來，你地可能會同病相憐，唔明白嘅，就當我老吹算啦！我都希望自己估錯嘅，哈哈哈！ 其實， 每一個人，都有自己嘅立場。最難嘅，唔喺要人地，認同你嘅立場，而喺去了解，人地嘅立場。真正嘅了解， 喺諒解，唔喺批判；要切身處地咁， 代入人地嘅角色，先至會明白，人地嘅難處、人地嘅行為，個 「因」响邊度。 當有一日，你突然發覺， 個世界變咗，但其實， 變果個，喺你，而個世界，始終如一。 只不過，之前，你自己， 冇去睇清楚啫。
|
|
|
279.
珍惜香港 |
|
| 2016-04-01 02:42 |
|
【珍惜香港】TO：有緣人 二百七十六個回應裡面，我想將以下呢句，送俾其中一個有緣人： 茫茫人海中，關係嘅建立，真喺好難；但關係嘅中斷，只喺瞬間！已經喺第三次，引用到呢句說話， 真喺好難過。我想同你講，唔喺每一個人嘅行為，都同你認定嘅邏輯一樣。你諗唔通，喺因為你唔肯相信，呢個世界，有 「無私分享」呢樣嘢。如果你認為，我响網站吹水，喺想影響市場，令自己得益嘅話，咁我可以答你，以我今時今日嘅 SCALE，响市場上，做一兩下簡單嘅操作，已經可以達到目的，使鬼响度俾人寸？ 每一個人嘅成與敗，最終，都喺自己負責，唔可以賴人。任何事情，都喺有因，但唔代表，一定要有個，既定嘅目的。前人，肯將自己嘅體驗，無私分享，睇嘅人，吸收到幾多，理解到幾多，達至乜嘢結論、乜嘢決定，都喺因人而異。 經過深思熟慮嘅，就喺自己嘅責任，冇經過深思熟慮嘅，更加喺自己嘅責任，關個前人乜事？ 或者你覺得，我地之間，有差距，你嘅難處，我唔了解。不過，如果我有一個，比自己高班嘅朋友，我會把握呢個機會， 學習人地嘅成功之道，而唔喺去斟酌，佢同自己分享，究竟有乜嘢目的。 希望閣下珍惜，身邊每一個人，每一場相識，每一段緣份。
|
|
|
280.
自我陶醉 |
| 2016-04-01 08:07 |
|
277樓 珍港兄
真係多謝你提番引刀呢件事! 本來我都唔想再講，呢單嘢令我完全明白咩係多重標準!
你仲記唔記得，上次嘅事，又係因為長河兄故意將我同換幣阿婆講到有啲不尋常關係，引刀兄先會睇唔過眼講番佢同糖姐，呢件事只係關乎我哋四個人，但我冇要求過長河道歉，連糖姐都大方話唔追究，但係你就出嚟大大聲叫刀兄一定要道歉!
今次，在太監比喻，我一樣唔介意長河亂嗡，因為佢成日都係咁，我已經習慣咗，不過，今次唔同嘅係佢講嘅嘢唔只係針對我，而可以係泛指所有冇能力買樓嘅人係太監，其他受害人要投訴，係咪冇權先？ 人哋要投訴又關你咩事？ 但係，你又相反地覺得太監只係比喻，同其他比喻一樣，冇咩問題! 仲叫人唔註冊就要收聲。請問到底邊個先係多重標準？ 到底嗰個係你定係我？
點解我同意西門兄話長河肉麻當有趣？ 就係因為佢已經唔只一次講呢啲嘢，仲成日話引刀兄自官，真係令人覺得好惡心，點解你又唔出嚟叫長河道歉？
|
|
App下載
